केलाली । चिन्ता लिनु पर्देन धनगढीका सडक अवदेखि धुलाम्मे हुदैनन । धनगढी उपमहानगरपालिकाले सडक सफा गर्न र बिरुवालाई पानी हाल्न ‘रोड वासर’ सञ्चालनमा ल्याएको छ।
नगर प्रमुख गोपाल हमालले रोड वासर’ मेसिनले सडकको धुलो पखाल्ने, बिरुवामा पानी हाल्ने र धुलाम्य भएको बिरुवामा पानी हाल्ने काममा यस्ले महत्वपुर्ण भुमिका खेल्ने बताए ।
उनले धनगढीलाई सफा बनाउन र हरियाली प्रवर्द्धन गर्न ‘रोड वासर’ मेसिन खरिद गरिएको बताए।
धुलाम्मे सडक सफा गर्न र बिरुवालाई पानी हाल्न ल्याएको रोड वासर मेसिनको सोमबार उपमहानगरपालिका परिसरमा एक कार्यक्रमको आयोजना गरी उद्घाटन गरिएको छ ।
रोड वासर मेसिनको औपचारिकरुपमा उद्घाटनसँगै अब आवश्यकताअनुसार समय तालिका बनाएर प्रयोग गरिने धनगढी उपमहानगरपालिकाका वातावरण अधिकृत अशोक अवस्थीले बताए।
पानीको ट्यांकीमा धेरै प्रकारका प्रविधि जडान गरेर ‘रोड वासर’ लाई प्रयोगमा ल्याउने उपमहानगरले जनाएको छ।
