कैलाली । सुदुरपश्चिमका ३ जिल्लाबाट भन्सारछली गरेका चार लाख ८३ हजार ५७६ रुपैया बराबरको सामान प्रहरीले पक्राउ गरेको छ ।
सुदुरपश्चिमको कैलाली कञ्चनपुर र दार्चुलाका विभिन्न स्थानबाट सो वराबरको सामान प्रहरीले पक्राउ गरेको जनाएको छ । कैलालीको गौरीगंगा १ चौमाला , टीकापुर ४ अस्नेरीबाट रु१,२५,१००।– बराबरको प्याज, चिनी, बिडी, सुर्ती, खानेतेल, चक्लटे लगायतका सामानहरु जिल्ला प्रहरी कार्यालय कैलाली मातहत कार्यालयहरुबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको छ।
कञ्चनपुरको भिमदत्त १० गज्जरबाट रु।७४,०००।– बराबरको कुर्ता सुरवाल, साडी, पेटिकोटको कपडा लगायतका सामानहरु प्रहरी चौकी जिमुवा, कञ्चनपुरबाट खटिएको प्रहरी गस्ती टोलीले बेबारिसे अवस्थामा फेला पारी भन्सार छलिका सामान सहित मानिस पक्राउ गरेको जनाएको छ ।
त्यस्तै दार्चुलाको, महाकाली नपा ४ मल्ला बाङ्गाबगड स्थित बिर बहादुर बोहराले संचालन गरेको जनरल स्टोरको गोदाममा जिल्ला प्रहरी कार्यालय दार्चुलाबाट खटिएको प्रहरी टोलीले रीतपुर्वक खानतलासी गर्दा भन्सार छलि गरि ल्याएका अन्दाजी मूल्य रु२,३७,००६। बराबरको चिनी, बिडी, खाने तेल, चप्पल, खुद्रा किराना लगायतका सामानहरु र सोही ठाउँ स्थित नौगाड २ घर भई हाल महाकाली ४ मल्ला बाङ्गाबगड बस्ने करन सिंह ठगुन्नाले संचालन गर्दै आईरहेको ठगुन्ना किराना पसलको गोदामबाट अन्दाजी मूल्य रु। ४७,४७०।( बराबरको आटा, चामल, खानेतेल, चिनी, चप्पल लगायतका सामानहरु गरि जम्मा मूल्य रु। रु।२,८४,४७६।( बराबरको सामानहरु फेला पारी आवश्यक प्रक्रिया पुरा गरि उक्त समान र पसलका संचालक बिर बहादुर बोहरा र करन सिंह ठगुन्ना समेत दुवै जनालाई प्रहरीले नियन्त्रणमा लिएको छ ।
