काठमाडौं । कञ्चनपुर, बेलौरी नगरपालिका(२ बैजुडाँडास्थित सडकबाट अवैध लागूऔषध खैरो हेरोइन जस्तो देखिने पदार्थ ६ गाम्र ४ सय २० मिलिग्राम सहित कृष्णपुर नगरपालिका गुलरीया बस्ने २७ वर्षीय गणेश बहादुर खड्का र ३३ वर्षीय चेतराज भण्डारीलाई बुधबार दिउँसो प्रहरीले पक्राउ गरेको छ ।

प्रहरी चौकी टेडुवाबाट खटिएको प्रहरीले भारतबाट नेपालतर्फ आउँदै गरेको सु।प।प्र।०१(०१० प १३२५ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।

यसैगरी कञ्चनपुर, भिमदत्त नगरपालिका-९ ब्रह्मदेवस्थित सडकबाट अवैध लागूऔषध खैरो हेरोइन जस्तो देखिने पदार्थ ६ सय ९० मिलिग्राम सहित सोही ठाउँ बस्ने ३५ वर्षीय गणेश बुढालाई बुधबार दिउँसो प्रहरीले पक्राउ गरेको छ ।

इलाका प्रहरी कार्यालय ब्रह्मदेवबाट खटिएको प्रहरीले उनलाई उक्त पदार्थ सहित पक्राउ गरेको हो ।

बाँके, नेपालगंज उपमहानगरपालिका-१८ कारकाँदोबाट अवैध लागूऔषध ब्राउनसुगर जस्तो देखिने पदार्थ ४ ग्राम सहित जुम्ला चन्दननाथ नगरपालिका(९ बस्ने २२ वर्षीय केशव गिरी र बाँके जानकी गाउँपालिका-५ बस्ने ४० वर्षीय मुराद खाँ लाई बुधबार बेलुकी प्रहरीले पक्राउ गरेको छ । जिल्ला प्रहरी कार्यालय बाँके समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

चितवन, भरतपुर महानगरपालिका(११ भोजाडचोकबाट नियन्त्रित लागूऔषध ट्रामाडोल १ सय २० ट्याब्लेट र स्टेगन १ सय ट्याब्लेट सहित भरतपुर महानगरपालिका(७ बस्ने २० वर्षीय बिपिन परियारलाई बुधबार दिउँसो प्रहरीले पक्राउ गरेको छ ।

अस्थायी प्रहरी बिट भोजाडबाट खटिएको प्रहरीले पदमपुरबाट बिशालचोकतर्फ आउँदै गरेको ना.१ ज ६७५४ नम्बरको म्याजिकमा सवार उनलाई उक्त लागूऔषध सहित पक्राउ गरेको हो ।

साथै थप अनुसन्धानको क्रममा कालिका नगरपालिका(२ पदमपुर बस्ने २८ वर्षीय सागर भण्डारीलाई नियन्त्रणमा लिई भण्डारीले सोही ठाउँ बस्ने उनको मामा ५३ वर्षीय भुपाल पौडेलको घरमा लुकाई छिपाई राखेको ट्रामाडोल २१ हजार ३ सय ६० ट्याब्लेट, स्टेगन २१ हजार २ सय ६० ट्याब्लेट र नगद २१ हजार ५ सय ३० रूपैयाँ फेला पारी भण्डारी र भुपाललाई समेत प्रहरीले पक्राउ गरेको छ ।

झापा, मेचीनगर नगरपालिका(६ पुरानो मेचीपुलबाट अवैध लागूऔषध खैरो हेरोइन जस्तो देखिने पदार्थ ५ ग्राम १ सय ७० मिलिग्राम सहित मोरङ पथरीशनिश्चरे नगरपालिका- ९ बस्ने ३१ वर्षीय जित बहादुर चौहान र सोही नगरपालिका-४ बस्ने २४ वर्षीय सुजित
राईलाई बुधबार बेलुकी प्रहरीले पक्राउ गरेको छ ।

लागूऔषध नियन्त्रण ब्यूरो काँकरभिट्टाबाट खटिएको प्रहरीले भारतको पानीटंकीबाट काँकरभिट्टातर्फ सिटीरिक्सामा आउँदै गरेका उनीहरूलाई उक्त पदार्थ सहित पक्राउ गरेको हो ।

मकवानपुर, हेटौंडा उपमहानगरपालिका(१० नारायणी मल नजिकबाट अवैध लागूऔषध गाँजा करिब १० किलोग्राम सहित २ जनालाई बिहीबार बिहान प्रहरीले पक्राउ गरेको छ ।

पक्राउ पर्नेहरूमा कैलाश गाउँपालिका-५ भैराङ बस्ने ३० वर्षीया अंजली गोले र हेटौंडा उपमहानगरपालिका-३ बसामाडी बस्ने ५१ वर्षीया ज्ञानुमायाँ गोले रहेका छन् ।

जिल्ला प्रहरी कार्यालय मकवानपुरबाट खटिएको प्रहरीले उनीहरूलाई उक्त गाँजा सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ