धनगढी । श्रमगर्न सके विदेस जानु पर्दैन भन्ने उदारणका पात्र बनेका छन् रघुबीर जोशी । दार्चुलाको शैलेशिखर नगरपालिका गोकुलेश्वरी– ९ बस्ने जोशी हाल धनगढी ५ तारानगर बसोबास गर्दै आएका छन् ।
वि.स. २०६३ सालमा रु. २५ लाखको लगानीमा धनगढी उपमहानगरपालिका तारानगर –५ मा कुखुरा फर्मसंगै गाईभँैसी पालनमा सक्रिय उनी केही बर्षमा सो फर्म छोडेर अहिले गाई भैंसीपालनमा लागेका छन् ।
जोशीले गाई भैसीपालनका लागि नवजीवन सहकारीबाट ऋण लिएका छन् । उनले काम गर्ने जागर भए सबै कुरा पूरा हुने बताए । हाल गाईभैसीपालन बाटै बैंकको साउ ब्याज तिर्दै आएको बताए । बालबालिकालाई पढाउँदै आएको बताउँदै रु. ५२ लाखमा खोर निर्माणमा पुँजी लागेको उनले बताए ।
अन्य पैसा गाई भैंसीपालनमा लगाएको उनले बताए । उनले दैनिक ८० लिटर दुध बिक्री गर्दै आएका छन् । जोशीले दूध विक्र गरेर छोरी ज्योती जोशीलाई बिदेशको दुवैमा आईटि ईन्जिनियर अध्यापन गराउँदै आएका छन् । छोरा हरिश राज जोशी ब्याचुलरमा पढ्दै छ । बार्षिक १२ लाख छोरीको पढाई खर्च पठाउने गरेको छु । मलाई यसैबाट खानलाउन र छोरा छोरीलाई पढाउन पुगेको जोशी वताउँछन् ।
उनले लामो समयदेखि हरि बहुद्देश्यीय फर्म निर्माण गरी कृषि ब्यबसाय शुरु गर्दै आएका छन् । उनले सरकारले कृषि क्षेत्रमा अनुदान दिँदै आएको रकम वास्तविक किसानसम्म नपुगेको बताए ।
अनुदानका लागि पनि आधा÷आधा रकमको डिमाण्ड गर्छन् । त्यसका लागि किन आफ्नो फर्म बेच्ने उनले प्रतिप्रश्न गरे । अनुदानको रकम पाउन पनि सो डिमाण्डलाई पूरा गर्न आवश्यक नरहेको उनले बताए ।
लामो समयदेखि सो व्यवसायमा संलग्न हुँदै आएका जोशीले लगनशिल भएर काम गरे विदेश जानु पर्ने आवश्यकता नभएको बताए । विदेश जानु भन्दा आफ्नै देशमा केही न केही व्यवसाय गरे आत्मनिर्भर बन्न सकिने उनको तर्क छ ।
