धनगढी । नयाँ बर्षको स्वागत र कैलालीको गोदावरी क्षेत्रको पर्यटन प्रर्बधन गर्न विशेष सांस्कृतिक कार्यक्रम आयोजना गरिने भएको छ ।
कैलालीको गोदावरीको होटेल स्टेट सेभेनको आयोजनामा चैत्र ३१ गते न्यू इयर इभ बेस सांस्कृतिक कार्यक्रम आयोजना गरिन लागीएको शनिबार पत्रकार सम्मेलन मार्फत जानकारी दिइएको हो ।
इभ बेस कार्यक्रम चैत्र ३१ गते बेलुका ५ बजे देखि राति १२ बजेसम्म होटेल स्टेट सेभेनमा हुने आयोजकले जनाएको छ । २०८१ सालको बिदाई गर्दै नयाँ बर्ष २०८२ लाई स्वागत गर्न सो कार्यक्रम गरिन लागेको हो ।
उक्त कार्यक्रममा स्थानिय तथा राष्ट्रिय कलाकारहरुको बेजोड प्रस्तुति हुनेछ । कार्यक्रममा राष्ट्रिय स्तरकी कलाकार एन्जीला रेग्मीको विशेष प्रस्तुति रहनुका साथै, स्थानिय कलाकारहरूले आ आफ्नो प्रस्तुती रहने बताइएको छ ।
जसमा चौधरी मोडलमा सदिक्षा चौधरी र धिर विक्रम सिंह लगायतका कलाकारहरूले नाचगान र कमेडी प्रस्तुति गर्नेछन् । कार्यक्रमको प्रवेश शुल्क दुई सय ५० रुपैयाँ निर्धारण गरिएको छ । स्टेट सेभेन होटलले खाने र बस्ने व्यवस्था मिलाएको होटेल सञ्चालक रुुकुम देव भट्टले बताए । राति ढिलो भए पनि आवतजावतमा सहजता ल्याउनका लागि दुई वटा नगर बस र प्राईभेट गाडीको सुविधा पनि मिलाइएको आयोजकले जानकारी दिएका छन् ।
द टुईन्स अफ कम्पीलीट इन्शिच्युट डान्सका सञ्चालक तथा कार्यक्रम ब्यवस्थापक केशब बलायर लगायतको समुहले गरिरहेको छ । आयोजकका अनुसार कार्यक्रमले गोदावरी क्षेत्रको पर्यटन प्रर्वद्धनमा महत्वपूर्ण योगदान पुर्याउने विश्वास गरिएको छ ।
कार्यक्रमको उद्देश्य कला र संस्कृतिको संरक्षण गर्दै गोदावरी क्षेत्रको पर्यटन विकासमा योगदान पुर्याउनु हो । यस कार्यक्रमले आन्तरिक र बाह्य पर्यटकहरूको आगमन बढाउने विश्वास व्यक्त गरिएको छ ।
साथै कार्यक्रम स्थलमा राति गन्तव्यतर्फ पुग्न समस्या हुन नदिन शूल्कसहित नगर बस तथा नीजि सवारीसाधनको व्यवस्थापन गरिने आयोजकले जनाएको छ ।