धनगढी । केही दिन देखी बिरामी भई उपचार गर्न नसकेका एक भारतीय नागरिकलाई धनगढीका ३ जनाले आर्थिक सहयोग गरेका छन् ।
आर्थिक अभाबका कारण केही दिन देखी किड्नी,सुगर र जण्डीस भई उपचार गर्न नसेका ७८ बर्षिया भारतीय नागरिक ओेम प्रकाश गुप्तालाई उनीहरुले ३५ हजार सहयोग गरेका हुन ।
सहयोग गर्नैमा धनगढी ३ बोराडाडी बस्ने गौतम एैर, भरत चन्द र धनगढी १३ कैलाली गाँउ बस्ने राजेन्द्र प्रशाद भट्ट रहेका छन् । ३० बर्ष देखी धनगढी १३ राजपुरमा ब्यारिङ्गको काम गर्दै आएका गुप्ता एक्कासि बिरामी भई थला परेको देख्दा आफुहरुलाइ दयालागी उपचार गर्न सहयोग गरेको गौतम एैरले निशाना न्युजलाई जानकारी दिए ।
हामीहरुले सिपी अस्पतालमा लिएर उपचार समेत गराएको र उपचार पछि आज नै उनको घर गोरखपुर पठाउन बसटिकटको समेत व्यबस्था गरेको उनले बताए । भारतीय गौरीफेन्टा बजार सम्म हामीहरु उनलाई घर पठाउन गएको समेत उनले जानकारी दिए ।
