धनगढी । कञ्चनपुरमा एक किराना पसलमा आगलागी भएको छ।
जिल्लाको बेलौरी नगरपालिका–६ भुराकोटस्थित सोही ठाउँ बस्ने करन थापाले सञ्चालन गरेको एक तले टिनले छाएको कच्ची किराना पसलमा गएराति ११ बजे आगलागी भएको हो।
आगलागी हुँदा पसल भित्र रहेका टि–टेबल, डि–फ्रिज, चाउचाउ, बिष्कुट,सिलेण्डर ग्यास अन्य किराना लगायतका सामान गरी अन्दाजी मुल्य १ लाख ५० हजार बराबरको धनमाल जलेर नष्ट भएको सुदूरपश्चिम प्रदेश प्रहरी कार्यालय धनगढीले जनाएको छ । आगलागीबाट मानवीय क्षति नभएको तथा स्थानीय र प्रहरीको सहयोगमा आगलागी नियन्त्रणमा आएको जनाइएको छ।
