धनगढी । धनगढी उपमहानगरपालिकाको आयोजनामा बाँझोपन सम्बन्धी स्वास्थ्य शिविरमा १८० जनाले उपचार तथा परामर्श सेवा लिएका छन्।
शिविरबाट उनीहरुले सेवा लिएका हुन् । धनगढी उपमहानगरपालिका र प्यासिफिक आइभिएफ सेन्टर ललितपुरको समन्वयमा जेठ २३ गतेदेखि २५ गतेसम्म निस्शुल्क शिविर लागेको थियो।
सो शिविरमा निःशुल्क वीर्य परीक्षण, ट्रान्सभजाइनल सोनोग्राफी गरिनुका साथै बाँझोपनको उपयुक्त उपचारको बिधिबारे जानकारी र परामर्श सेवा प्रदान गरिएको स्वास्थ्य शाखा प्रमुख जगदीश अवस्थीले बताए ।
धनगढी १३ को बहुउद्देश्यीय भवनमा सञ्चालित शिविरबाट ९० जना दम्पतीले निस्शुल्क उपचार तथा परामर्श सेवा लिएको उनले बताए।
