धनगढी । सुदूरपश्चिम प्रदेशमै पहिलोपटक निःसन्तान उपचार केन्द्र स्थापना गरी सेवा सञ्चालनमा आएको छ । सेती प्रादेशिक अस्पतालले निःसन्तान उपचार केन्द्र स्थापना गरी सो सेवा शुरु गरेको हो ।
केन्द्रको द्घाटन अस्पतालका प्रमुख मेडिकल सुपरिटेन्डेन्ट डाक्टर हेमराज पाण्डेले गरेका छन्। उद्घाटनको क्रममा उनले संघीय र प्रदेश सरकारको सहयोगमा केन्द्रको स्थापना गरिएको बताए।
उनले गत वर्ष नै निःसन्तान उपचार केन्द्र सञ्चालन गर्ने तयारी भएपनि केही प्राविधिक समस्याले हुन नसकेको बताए।
सुदूरपश्चिम प्रदेशमा सेवाको अभावका कारण निःसन्तान दम्पतीहरू उपचारका लागि काठमाडौं तथा भारत जाने गरेकोमा अब उक्त बाध्यता अन्त्य भएको उनले बताए ।
