धनगढी । कैलाली जनपुस्तकालयको अध्यक्ष पदमा शिवराज ओझाको दाबी रहेको छ । आउँदो भाद्र ११ गते हुन गइरहेको नयाँ कार्य समितिको अध्यक्ष पदमा आफ्नो दाबी रहेको उनले बताए ।
लामो समयदेखि सरकारी सेवामा कार्यरत रहेका ओझा सेवा निवृत्त कर्मचारी हुन । जनपुस्तकालयमा दुई पटक उपाध्यक्ष पदमा कार्यरत रहेका ओझा यस पटकको निर्वाचनमा अध्यक्ष पदका लागि प्रत्यासी रहेका हुन् ।
साहित्य प्रेमी ओझाले उम्मेदवारी घोषणा गरेसँग पुस्तकालयलाई नवीनतम सोचका साथ व्यवस्थित गरेर लैजाने प्रतिबद्धता व्यक्त गरे । उनले आसन्न निर्वाचनको प्रक्रिया सुरु भइसकेले उक्त निर्वाचनमा जनपुस्तकालयका सम्पूर्ण सदस्यहरूलाई आफूलाई अमूल्य मत दिएर सहयोग गर्न अपिल गरे ।
जनपुस्तकालयका ८२० जना सदस्य रहेका छन् ।
