खानीडाँडा(कैलाली) । चुरे गाउपालिका ५ स्थित खानीडाँडामा रहेको जनकल्याण कृषि सहकारी संस्था किसानहरुको भरपर्दौ माध्यम बन्दै गएको छ ।
१५ लाख पुँजीबाट सुरु गरेको सो संस्थाले कृषकका समस्या बुझ्ने र गरी खाने कृषकलाई लगानी गर्न थाले पछि सो सहकारी कृषकको भरपर्दो माध्यम बन्दै गएको हो ।
कृषकलाई मध्यनजर गरी २०६४ सालमा सानो पुँजीबाट संस्था स्थापना गरिएको अध्यक्ष नरबहादुर तामाङले जानकारी दिए । संस्थाले बेमौसी तरकारी खेती गर्ने कृषकलाई लगानी गर्ने गरिएको उनले बताए । बढीजसो टमाटर,बन्दा,खुर्शानी,हाईब्रेट सिम्ला खुर्शानी,सिमी बोडी,करेला,भिन्टी उत्पादन गर्ने कृषकलाई लगानी गरिएको उनले बताए ।
पहिला तरकारीलाई मात्र फोकस गरेर श्रणदिने गरिएको थियो पछि अन्य व्यवसायीले ऋणमाग गर्न थालेपछि किराना पसल,बाख्रापालन,कुखुरा, बंगुरपालन भैसीपालन गर्ने व्यवसायीलाई पनि ऋण दिने गरेको संस्थाका व्यवस्थापक मनहरि सापकोटाले निशाना न्युजलाई जानकारी दिए ।
संस्थाबाट चार सय कृषकले ऋण लिएर व्यवसाय सुरु गरिरहेको उनले बताए । यस क्षेत्रमा काम गर्ने व्यवसायीका लागि संस्थाको ३ करोड लागनी गरेको उनले बताए । लगानी लगाएको क्षेत्रका कृषकहरुले राम्रो आम्दानी गरिरहेको उनले बताए ।
ऋण चुक्ताका लागि अधिकतम ३ बर्षको समय दिने गरिएको उनले बताए । ऋण चुक्ता समयमा गर्न नसक्ने व्यवसायीको अवस्था हेरेर समय थप गर्ने गरिएको पनि उनको भनाइ छ । संस्थाले कृषकले उत्पादन गरेको तरकारीको व्यवस्थापन गर्न तरकारी संकलन केन्द्र निर्माण गरेको उनले बताए । यहाँका कृषकहरुले तरकारी उत्पादन गरी आत्मसनर्भर बन्न सफल भएको उनले बताए ।
संस्थाको सेयरपुँजी ६५ लाख र जम्मा पुँजी ४ करोड ३ लाख रहेको उले बताए । पछिल्लो समय बैदेशिक रोजगारीमा जाने व्क्तिहरुका लागि करिब ३ लाखसम्मको ऋण दिने व्यवस्था गरिएको व्यवस्थापक सापकोटाले जानकारी दिए ।
