धनगढी । एशोसियसन अफ हस्पिटालिटी ट्रेनिङ इन्स्टिच्युट धनगढी कैलालीले नियमित रुपमा प्रशिक्षण संचालन गरिरहेको जानकारी दिएको छ ।
आज इन्स्टिच्युटले पत्रकार सम्मेलन गर्दै सो कुराको जानकारी दिएको हो ।
सिटीईभिटीसंग एचटीआईका संस्थाहरुले २०८२ साउन २६ गते गरेको सम्झौता अनुसार प्रशिक्षण गर्न कुनै बाधा नरहेका अध्यक्ष कमल पनेरुले जानकारी दिए ।
उनले एसईईमा फेल भएका विद्यार्थीहरुको भविष्य निर्माणको अवस्था कम रहेको अवस्थामा सदस्य संस्थाहरुले प्रदान गरेको प्रशिक्षणको माध्यमबाट प्रशिक्षार्थीहरुले सहजै स्टार होटल तथा रिसोर्टहरुमा राम्रो तलबमा नोकरी पाएको पनि उनले जानकारी दिए ।
उनले भने ‘यसको साथै हाम्रो स्टार होटलसंग भएको सम्बन्धका आधारमा हाल भन्दा अझ बढी संख्याको जनशक्तिलाई रोजगारी दिलाउन सक्ने कुरा पनि जनाकारी दिन चाहान्छु । ‘
केही समय अगाडि धनगढीमा आएको समाचारको कुनै सत्यता नरहेको र सोका कारण एचटीआईका सदस्य संस्थाहरुको प्रतिष्ठामा आच आएको र प्रशिक्षार्थी भर्नामा व्यापक प्रभाव पारेको महसुस भएको उनले बताए ।
उनले यो भ्रम चिर्न सबै मिडियाकर्मीलाई अनुरोध गरे । पूर्ण रुपमा सिटीईभीटी सम्बन्धन प्राप्त छोटा अवधिका कोर्षहरुमा मात्र प्रशिक्षण प्रदान गरिरहेको पनि उनले जानकारी दिए ।
