कैलाली । सुदूरपश्चिम प्रदेश प्रमुख नजिर मियाँले निर्वाचन आयोग पूर्ण जिम्मेवार संस्था रहेको बताएका छन् ।
आयोगको आर्थिक वर्ष २०८०\०८१ को वार्षिक प्रतिवेदन बुझ्दै प्रदेश प्रमुख मियाँले सुरुबाटै जिम्मेवारी र इमानदारीका साथ आफ्नो भूमिका निर्वाह गरिरहेको बताए ।
‘विषम परिस्थितिमा पनि राज्य निर्वाचन गराउन खोज्दा निर्वाचन आयोग जिम्मेवार पूर्ण देखिएको छ प्रदेश प्रमुख मियाँले भने , ‘ आयोगलाई जनशक्ति र सुरक्षाको प्रत्याभूत गराउनु पर्छ ।’
प्रदेश निर्वाचन कार्यालयका प्रमुख प्रेम भट्टले सरकारले फागुन २१ घोषणा गरेको निर्वाचनबारे निर्वाचन कार्यालय लागिरहेको बताएका थिए । समावेशी मितव्ययी र भरपर्दो निर्वाचन गराउन आफूहरू लागिरहेको उनले बताए ।
वार्षिक प्रतिवेदन प्रदेश प्रमुखलाई हस्तान्तरण गर्नुभन्दा पहिले गत आर्थिक वर्षमा प्रदेश निर्वाचन आयोगले गरेका कामहरूबारे जानकारी गराएका थिए ।
