धनगढी । कैलालीबाट खैरो हेरोइनसहित एकजना पक्राउ परेका छन्।
जिल्लाको धनगढी उपमहानगरपालिका–३ चौराहबाट कञ्चनपुरको लालझाडी गाउँपालिका–५ बस्ने २७ वर्षीय गोविन्द विष्ट पक्राउ परेको सुदूरपश्चिम प्रदेश प्रहरी कार्यालय धनगढीले जनाएको छ ।
विष्टको साथबाट ५ ग्राम ३६० मिलिग्राम लागुऔषध खैरो हेरोइन फेला पारी उक्त पदार्थसहित उनलाई अस्थायी प्रहरी पोष्ट विशालनगरबाट खटिएको प्रहरी टोलीले नियन्त्रणमा लिएको जनाइएको छ ।
