धनगढी । धनगढी–१० घुइयाघाट बस्ने राममति रानाका हातमा सीप नहुँदा राना सांस्कृतिक पोशाक सिलाउने ईच्छा हुँदा पनि पूरा हुन सकेको थिएन् । उनी के गरौँ कसो गराँै कहाँ सिकौँ भनेर भौतारिँदै थिइन् ।

धनगढी उपमहानगरपालिकाले २०८१ फागुनमा सीप तथा रोजगार मेला संचालन गर्दै छ भन्ने थाहा पाइन् । सो मेलामा राना सांस्कृतिक पोशाक सिलाउने तालिम पनि हुँदैछ भन्ने आफूले जानकारी पाएको बताइन् । धनगढी उपमहानगरपालिकालाई सम्पर्क गर्दा हो भनेपछि मेलामा तालिमका छनौट भएको उनको भनाइ छ । मेलामा तालिम लिइ सकेपछि अहिले घरमै सीपको सदुपयोग गरिरहेको उनले बताइन् ।
‘मेरो ईच्छालाई पूरा गरिदिएकोमा म धनगढी उपमहानगरपालिका र नगरप्रमुख गोपाल हमाललाई धन्यवाद दिन चाहान्छु’ उनले भनिन् ‘अहिले दुईवटा सिलाई मेसिन किनेर घरमै राना सांस्कृतिक पोशाक सिलाउन व्यस्त रहँदै आएकी छु ।’

उनले भनिन् ‘मासिक १८ हजार कमाइ हुन्छ । गाउँघर,कञ्चनपुर र भारतबाट समेत पोशाकका लागि माग आउने गरेको छ । पोशाक सिलाईबाट आर्थिक सुधार भइ रहेको छ ।’

पहिला खेतीपातीमा दिन बिताउने गरेको र घरखर्च चलाउन समस्या हुने गरेको उनको भनाइ छ । उनले भनिन् ‘सीप सिकेर आइसकेपछि अहिले त्यस्तो आर्थिक समस्या हुँदैन । घर खर्चसँगै वचत पनि हुने गरेको छ ।’ ७ जनाको परिवारलाई घरखर्च चलाउन सहज भएको उनले बताइन् ।

त्यस्तै सोही ठाउँ बस्ने खुरिना राना पनि सो पोशाक सिलाउन व्यस्त हुने गरेकी छन् । उनले पनि सीप तथा रोजगार मेलाबाट पोशाक सिलाउने तालिम लिएकी थिइन् । ‘खेतबारीमा काम गर्थे,सीप हातमा केही पनि थिएन,बाख्राहरुको हेरविचार गरेर दिन काटिरहेकी थिए’ उनले भनिन् ‘धनगढी उपमहानगरले सीप तथा रोजगार मेलाको आयोजना गरेर मैले सीप सिक्ने मौका पाए । धनगढी उपमहानगरपालिका लाई धन्यबाद भन्छु ।’

अहिले राना सास्कृतिक पोशाक सिलाईबाट राम्रो आम्दानी भएको उनको भनाइ छ । ९ जनाको परिवार रहेको र घर खर्च चलाउन मजाले पुग्ने गरेको उनले बताइन् ।

यदी धनगढी उपमहानगरपालिकाले सीप तथा रोजगार मेला संचालन नगरेको भए जीवन चलाउन समस्या हुने उनको भनाइ छ । अहिले फुर्सद नहुने तथा पोशाकका लागि विभिन्न स्थानहरुबाट माग आउने गरेको उनले बताइन् ।
माग अनुसार पु¥गाउन सकिएको छैन मेसिनको अभाव छ मोटो कपडामा सामान्य मेसिनबाट नहुदो रहेछ यस्का लगि डिजिटल मेसिन चाहिने उनले बताइन् । डिजिटल मेसिन भइृदिएको भए माग अनुसार पोशाका उत्पादन गर्न सहज हुने उनले बताइन् । पोशाक निर्माण हुँदासम्म अङगिया,गोट,चाला,नरा,कन्चड,कसिडा जन्जीर गोदासी घघरीय गोट जस्ता सांस्कृतिक झल्कने चिज पोशाकमा समावेस गर्नु पर्ने हुन्छ उनले भनिन् त्यस्का लागी समय निकै लाग्ने गर्दछ ।

धनगढी उपमहानगरपालिकाले गत बर्ष ८ वटा बिधाको क्षेत्रमा २९ वटा तालिम संचालन गरिएको थियो । सो मेलामा सुदुरपश्चिम प्रदेशका ८८ वटै पालिकाहरुबाट स्थानीय सीप तथा उत्पादनको प्रवद्र्धनका लागि मेला स्थलमा स्टल व्यवस्थापन समेत गरिएको थियो ।

यो बर्ष पनि सीप तथा रोजगार मेला २०८२ संचालन हुने
यो बर्ष पनि धनगढी उपमहानगरपालिकाले सीप तथा रोजगार मेला २०८२ संचालनमा ल्याउदै छ। उपमहानगरपालिकाले मेला संचालनका लागी व्यापक तयारि गरिरहेको छ । यही माघ ५ गते देखि फागुन १२ गते सम्म उपमहानगरपालिकाले सो मेला संचालनमा ल्याउन लागेको हो ।

सुदुरपश्चिम प्रदेश क्षेत्र समेटिने गरी युवा जनशक्ति लाई आन्तरिक श्रम बजारमा ल्याउने उदेश्यले मेला संचालनमा ल्याउन लागीएको जनाएको छ । यो पटक मेलामा ७ बिधा क्षेत्रमा २२ वटा तालिम दिलाइने छ । सुदुरपश्चिम भरीबाट ६०० जना तालिममा भाग लिने छन् ।