धनगढी । कैलालीको गोदवारी नगरपालिका–९ स्थित बल्मी आधारभूत स्वास्थ्य सेवा केन्द्रले कुपोषित भएका बालबालिकालाई सरसफाइसँग सम्बन्धित सामग्री वितरण गरेको छ ।
आज स्वास्थ्य सेवा केन्द्रले याक नेपालको सहयोगमा प्राप्त सरसफाइसँग सम्बन्धित सामग्रीहरु स्थानीय कुपोषित भएका बालबालिकालाई वितरण गरेको हो ।
दुई जना कुपोषित बालबालिकालाई सावुन,ब्रस,कोलगेट,तौलिया,नङकटलगायतका १० वटा सामग्री वितरण गरिएको बल्मी आधारभूत स्वास्थ्य सेवा केन्द्रका प्रमुख जयराज ओझाले जानकारी दिए ।
उनले याक नेपालले यसअघि अण्डा,फलफूललगायतको पोषणयुक्त खानेकुराहरु वितरण गरेको बताए ।
उनले भने ‘याक नेपालले अतिसिघ्र,कडा कुपोषण भएका बालबालिकालाई हरेक वर्ष पोषणयुक्त खानेकुराहरु दिने गरेको छ । ती खानेकुराहरु पहिला नै दिइसकेको छ । अहिले सरसफाइसँग सम्बन्धित सामग्री दिइएको हो ।’
