धनगढी । लागूऔषध प्रयोगकर्तामाझ एचआईभी रोकथामका लागि सरोकारवालासँग अन्तरक्रिया कार्यक्रम बिहीबार धनगढीमा सम्पन्न भएको छ ।
ग्लोबल फण्डको आर्थिक सहयोग, यूएनडीपी र एनएनएसडब्लुएसको साझेदारीमा कैलाली र कञ्चनपुर जिल्लामा सञ्चालित आप्रवासी तथा सुईमार्फत लागूऔषध प्रयोगकर्तामाझ एचआईभी रोकथामलाई कम गर्ने उदेश्यका साथ कार्यक्रम आयोजना गरिएको हो ।
कार्यक्रममा २०२६ जनवरीदेखि मे सम्मको कार्यक्रम प्रगति प्रस्तुतीकरण तथा कार्यान्वयनका क्रममा देखिएका समस्या, चुनौती र समाधानका उपायहरूमा सरोकारवाला निकायले छलफल गरेका थिए ।
अन्तरक्रिया कार्यक्रममा सम्बन्धित सरकारी निकाय, स्वास्थ्य कार्यालय, स्थानीय तह, सुरक्षा निकाय, साझेदार संस्था तथा अन्य सरोकारवालाहरूको सहभागिता रहेको थियो । सहभागीहरूले आगामी दिनमा कार्यक्रमलाई थप प्रभावकारी रूपमा सञ्चालन गर्दै एचआईभी संक्रमण न्यूनीकरण तथा समुदायको स्वास्थ्य प्रवद्र्धनमा संयुक्त रूपमा कार्य गर्ने प्रतिबद्धता व्यक्त गरेका थिए ।
यस अवसरमा कार्यक्रम कार्यान्वयनका क्रममा देखिएका विभिन्न समस्या तथा चुनौतीहरूबारे छलफल भएको थियो । लक्षित समुदायसम्म सहज पहुँच कायम गर्न कठिनाइ, सेवा लिन आउने व्यक्तिहरूमा सामाजिक विभेद तथा कलंक, सीमित स्रोत–साधन, केही क्षेत्रमा सेवा विस्तारमा अवरोध देखिएकाले सरोकारवाला निकायबीच थप प्रभावकारी समन्वयको आवश्यकता रहेको जनाएको छ । कार्यक्रमको सञ्चालन नवराज पाडे र सहजीकरण भावना केसी गरेकी थिइन् ।
