कैलाली।नेपाली प्रवासी सङ्घ पश्चिम मुम्बई नगर समितिको आयोजनामा नेकपा एमालेका सुदूरपश्चिम प्रदेश सदस्य एवं वरिष्ठ पत्रकार वीरेन्द्र बहादुर रावलको सम्मानमा स्वागत तथा भेटघाट कार्यक्रम सम्पन्न भएको छ
भारतको पश्चिम मुम्बई बोरवलिमा आयोजना गरिएको स्वागत, भेटघाट तथा सम्मान कार्यक्रममा आयोजित विशेष सम्मान कार्यक्रममा प्रमुख अतिथि प्रवासी नेपाली सङ्घ महाराष्ट का सह इन्चार्ज तथा केन्द्रीय सदस्य महेन्द्र बहादुर शाहीले खादा र फुलमालाले विशेष वक्ता एवं सम्मानित व्यक्तित्व नेकपा एमाले सुदूरपश्चिम प्रदेश कमिटी सदस्य एवं वरिष्ठ पत्रकार रावललाई सम्मान गरेका थिए।
सो अवसरमा नेपाली प्रवासी सङ्घ महाराष्ट्रका अध्यक्ष पदम बम, राज्य समिति सदस्य मनिष कुमार भूमि र राष्ट्रिय युवा संघ नेपाल मोहन्यालका अध्यक्ष दिपेश टमट्टा लगायतकाले शुभकामना एवं बधाई ज्ञापन गरेका थिए।
सो अवसरमा महाराष्ट्र राज्य समितिका सदस्य तिलक शाही लगायतका अतिथिहरूको सहभागिता रहेको थियो।
नगर अध्यक्ष प्रेममयालको अध्यक्षतामा सम्पन्न भएको कार्यक्रमको सञ्चालन नगर सचिव तिलक साउदले गरेका थिए।
सो अवसरमा अभिराज विश्वकर्मा, सुरेश मयाल, सरिता सुनार, नरेन्द्र सिंह टमट्टा पार्वती पछि प्रेम सिंह परियार प्रकाश शर्मा जैसी गणेश बहादुर खत्री कमल ओली बसन्ती खत्री खड्का पद्मा रावल र महेन्द्र सिंह परियार विभिन्न पार्टी परित्याग गरी नेकपा एमालेमा प्रवेश गरेका थिए।
कार्यक्रमका प्रमुख अतिथि महेन्द्र शाहीले प्रवासमा रहेका नेपालीहरूलाई पार्टीले विभेद नगरी सबै खालका अवसरमा मोज विस्तारका लागि पहल गर्नुपर्ने, नवीकरण चल्ने, रेमिट्यान्स चल्ने तर अवसर नपाउने प्रवृत्तिको अन्त्य हुनुपर्ने कुरामा जोड दिएका थिए। यस्तै उनले प्रवासमा विशुद्ध नेकपा एमालेको पक्षमा वकालत गर्ने र नेता कार्यकर्ता जन्माउने प्रवासीहरुलाई नेपालमा गरिने व्यवहार आफूहरुलाई चित्त नबुझेको भन्दै पार्टीले प्रवासीलाई पनि सद्भाव एकता र समान अवसर प्रदान गर्ने कुरामा विभेद गर्न नहुने बताएका छन्।
यस्तै विशेष वक्ता नेकपा एमाले सुदूरपश्चिम प्रदेश कमिटी सदस्य , एवं वरिष्ठ पत्रकार वीरेन्द्रबहादुर रावलले प्रवासमा रहेका नेपालीहरूको हकहितका लागि प्रवासी ले देखि नै खेल्दै आएको भूमिका उल्लेखनीय रहेको बताउँदै पार्टीको नीति र नेतृत्वलाई संरक्षण गर्ने अभियानलाई प्रवासमा पनि प्रवासी संगठनले महत्वपूर्ण भूमिका निर्वाह गर्नुपर्ने बताएका थिए। यस्तै प्रवासीहरूका समस्या, प्रवासीले भोग्दै आइरहेका समस्याहरूलाई नेकपा एमाले र त्यसको नेतृत्वले सम्बोधन गर्ने तर्फ जोड दिनुपर्ने बताए।
भारतमा रहेका नेपालीहरूले भोग्दै आइरहेका थिचोमिचो र अन्याय अत्याचार शोषण दमनलाई न्यूनीकरण गर्न र नेपालीहरूलाई न्याय दिलाउने दिशामा प्रवासी संगठनले पार्टी कमिटी सँग समन्वय गर्दै समस्या समाधानको दिशामा जोडदार आवाज उठाउनु पर्ने कुरामा रावलले जोड दिएका थिए।
सो अवसरमा अतिथि एवं सहभागीहरूलाई नगर समितिका उपाध्यक्ष अरुण बमले स्वागत गरेका थिए।