काठमाडौं । अचानक प्रतिनिधिसभा बैठकमा सहभागी हुन पुगेका प्रधानमन्त्री बालेन्द्र शाह करिब २० मिनेट बसेर बैठकबाट निस्किएका छन् ।
उनी बैठकमा सहभागी हुन दिउँसो १ बजेर ३७ मिनेटमा प्रवेश गरेका थिए ।
राप्रपा सांसद खुश्वु ओलीले बोल्दाबोल्दै प्रधानमन्त्री बालेन्द्र र सभापति लामिछाने बैठकमा प्रवेश गरेपछि एमाले सांसद ऐन महरले प्रतिनिधिसभा नियमावलीको नियम २० को खण्ड छ मा भएको व्यवस्था उल्लंघन भएको भन्दै आपत्तिसमेत जनाए ।
विपक्षी दलहरूले प्रधानमन्त्रीको जवाफ मागिरहेका बेलामा संसद भवनमा जारी प्रतिनिधि सभा बैठकमा प्रधानमन्त्री बालेन्द्र उपस्थित भएका थिए । तर उनी जवाफ नदिई बाहिरिएका हुन् ।
