धनगढी । कैलालीबाट अवैध लागूऔषधसहित चार जना पक्राउ परेका छन ।
जिल्लाको धनगढी उपमहानगरपालिका-५ बाल्मिकी स्कुल नजिकबाट अवैध लागूऔषध खैरो हेरोइन जस्तो देखिने धुलो पदार्थ १२९ मिलिग्राम सहित ३ जनालाई मंगलबार राति पक्राउ गरेको प्रहरीले जनाएको छ ।
पक्राउ पर्नेमा कञ्चनपुरको भीमदत्त नगरपालिका-३ घर भई हाल कैलालीको धनगढी उपमहानगरपालिका-७ स्थित डेरा गरी बस्ने २६ वर्षीय गौरव चन्द, भीमदत्त नगरपालिका-६ बस्ने ३२ वर्षीय प्रकाश आउजी र बेदकोट नगरपालिका-५ घर भई हाल धनगढी उपमहानगरपालिका-१ स्थित डेरा गरी बस्ने २२ वर्षीया खुस्बु धानुक रहेको प्रहरीले जनाएको छ ।
जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित तीनै जनालाई पक्राउ गरेको प्रहरीले जनाएको छ ।
यसैगरी,जिल्लाको भजनी नगरपालिका-८ कांडापुलबाट अवैध लागूऔषध खैरो हेरोइन जस्तो देखिने पदार्थ ८७० मिलिग्राम सहित टिकापुर नगरपालिका-१ सक्तिनगर शिविर बस्ने २७ वर्षीय भिखु चौधरीलाई मंगलबार राति प्रहरीले पक्राउ गरेको छ ।
प्रहरी चौकी जनकपुरबाट खटिएको प्रहरीले साइकलमा यात्रा गरिरहेको अवस्थामा शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको जनाएको छ ।
