धनगढी । कैलालीमा एकैदिन अवैध लागूऔषधसहित १५ जनालाई प्रहरीले पक्राउ गरेको छ ।
शुक्रबार जिल्लाका विभिन्न स्थानबाट अवैध लागूऔषधसहित उनीहरूलाई पक्राउ गरेको हो ।
सुदूरपश्चिम प्रदेश प्रहरी कार्यालयले धनगढीका अनुसार कैलारी गाउँपालिका-५ गोबरैला घाटबाट अवैध लागूऔषध खैरो हेरोइन जस्तो देखिने पदार्थ ४ सय ४७ मिलिग्राम र नगद ११ हजार ५ सय रूपैयाँ सहित सोही गाउँपालिका-७ भुईयाफाँटा बस्ने २३ वर्षीय अमन चौधरी र भजनी नगरपालिका-९ पचमुडिया बस्ने २७ वर्षीय निराजन चौधरी पक्राउ परेका छ्न ।
त्यसैगरी,मोहन्याल गाउँपालिका-७ पितमारीस्थित कर्णाली एडभेन्चर रिसोर्टबाट अवैध लागूऔषध खैरो हेरोइन जस्तो देखिने पदार्थ १ सय २० मिलिग्राम सहित सोही ठाउँ बस्ने २३ वर्षीय विनोद बिष्ट र लम्कीचुहा नगरपालिका-३ चिसापानी टुक्कीबजार बस्ने कालिकोट रास्कोट नगरपालिका-४ घर भएका २५ वर्षीय गोविन्द्र शाहीलाई पक्राउ गरिएको जनाइएको छ ।
त्यस्तै,धनगढी उपमहानगरपालिका-८ क्याम्पस चोकबाट अवैध लागूऔषध खैरो हेरोइन जस्तो देखिने पदार्थ ४ ग्राम ३२३ मिलिग्राम सहित सोही ठाउँ बस्ने २८ वर्षीय आयुष सिंह, सोही उपमहानगरपालिका-२ बस्ने ३४ वर्षीय जयबहादुर भण्डारी,वडा नं १० बस्ने ३० वर्षीय टेकेन्द्र बस्नेत र कैलारी गाउँपालिका-२ घर भई हाल सोही उपमहानगरपालिका-८ क्याम्पस चोक कोठा गरी बस्ने २५ वर्षीय श्रीमल चौधरीलाई पक्राउ गरिएको सुदूरपश्चिम प्रदेश प्रहरी कार्यालयले जनाएको छ ।
त्यसैगरी,टिकापुर नगरपालिका-१ समितिपुरबाट अवैध लागूऔषध खैरो हेरोइन जस्तो देखिने पदार्थ ४०० मिलिग्राम सहित सोही ठाउँ बस्ने २८ वर्षीय सागर खत्री र १८ वर्षिय किशोर पक्राउ परेको जनाएको छ ।
त्यसैगरी,गोदावरी नगरपलालिका-५ गेटा सुकुम्वासी टोलबाट अवैध लागूऔषध गाँजा जस्तो देखिने धुलो पदार्थ ३७० ग्राम सहित सोही ठाउँ बस्ने ४५ वर्षीय खडक डंगौरालाई पक्राउ गरिएको जनाइएको छ ।
त्यसैगरी,धनगढी उपमहानगरपालिका-१७ पथरी पुलबाट अवैध लागूऔषध खैरो हेरोइन जस्तो देखिने पदार्थ ३३५ मिलिग्राम सहित सोही ठाउँ बस्ने २६ वर्षीय राजेश राना र २५ वर्षीय किरन राना पक्राउ परेको प्रहरीले जनाएको छ । ।
यसैगरी,धनगढी उपमहानगरपालिका-७ जि.पी. चोकबाट अवैध लागूऔषध खैरो हेरोइन जस्तो देखिने पदार्थ २३८ मिलिग्राम सहित सोही ठाउँ बस्ने २५ वर्षीय विकास जेठारा र २८ वर्षीय विवेकराज उपाध्याय पक्राउ परेका सुदूरपश्चिम प्रदेश प्रहरी कार्यालयले जनाएको छ ।
