धनगढी । बैजनाथ सञ्चार प्रालिले आगामी भदौ १७ गते ‘सुदूरपश्चिम गाईजात्रा सिजन-२’ आयोजना गर्ने भएको छ।
आयोजकले मंगलबार पत्रकार सम्मेलनमार्फत कार्यक्रमको बारेमा जानकारी हो।
गाईजात्रा कार्यक्रम धनगढीमा रहेको एसटीएस सिनेमा हलमा आयोजना हुनेछ जनाइएको छ ।
कार्यक्रममा समाजमा रहेका विकृति,विसंगति, भ्रष्टाचार, असमानता, महिला हिंसा, बालअधिकार, युवा पलायनलगायतका बिषयलाई हास्यव्यंग्यमार्फत दर्शकमाझ प्रस्तुत गरिने कार्यक्रम संयोजक सरस्वती भट्टले जानकारी दिइन् ।
कार्यक्रममा नेपालका चर्चित हास्यव्यंग्य कलाकार मनोज गजुरेलको प्रस्तुति रहनुका साथै स्थानीय कलाकारहरूलाई पनि प्रस्तुतिका लागि अवसर प्रदान गरिने आयोजकले जनाएको छ।
कार्यक्रमको प्रवेश शुल्क रु. १,००० निर्धारण गरिएको तथा विद्यार्थीहरूका लागि टिकटमा १० प्रतिशत छुट गरिएको कार्यक्रमका आर्थिक संयोजक शुभेष पाठकले जानकारी दिए ।
