धनगढी । कैलालीबाट प्रहरीले अवैध लागूऔषध खैरो हेरोइनसहित एक युवकलाई पक्राउ गरेको छ ।
जिल्लाको धनगढी उपमहानगरपालिका-१७ धुर्जन्नाबाट अवैध लागूऔषध खैरो हेरोइन जस्तो देखिने पदार्थ ७५० मिलिग्रामसहित गोदावरी नगरपालिका-९ बस्ने २७ वर्षीय ध्रुब जोशीलाई बिहिबार साँझ पक्राउ गरिएको प्रहरीले जनाएको छ ।
प्रहरी चौकी कनरीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी निजलाई उक्त पदार्थ सहित पक्राउ गरेको जनाएको छ ।
