धनगढी । धनगढी उपमहानगरपालिकाले हरियाली प्रवर्द्धन तथा वातावरण संरक्षणलाई प्राथमिकता दिँदै धनगढी वडा नं. १६ मा रहेको श्री बेहडाबाबा माध्यमिक विद्यालयमा वृक्षारोपण कार्यक्रम सम्पन्न गरेको छ।
कार्यक्रम अन्तर्गत विद्यालय परिसरमा २५ वटा बोटबिरुवा ट्री–गार्डसहित रोपिएको उपमहानगरपालिकाले जनाएको छ। वृक्षारोपण गरिएका बिरुवाहरूको संरक्षण र दीर्घकालीन व्यवस्थापनका लागि ट्री–गार्ड जडान गरिएको हो।
उपमहानगरपालिकाले विद्यालय क्षेत्रमा हरियाली बढाउने, विद्यार्थीमा वातावरणीय सचेतना अभिवृद्धि गर्ने तथा स्वच्छ वातावरण निर्माण गर्ने उद्देश्यले यस्तो कार्यक्रम सञ्चालन गरिएको जनाएको छ।
स्थानीय जनप्रतिनिधि, विद्यालय व्यवस्थापन समिति, शिक्षक तथा विद्यार्थीहरूले वृक्षारोपण गरिएका बिरुवाको संरक्षणमा जिम्मेवारी लिनुपर्नेमा जोड दिनपर्ने देखिन्छ ।
