धनगढी । कैलालीबाट प्रहरीले अवैध भन्सार छलीका सामान नियन्त्रणमा लिएको छ ।
जिल्लाको कैलारी गाउँपालिका-५ छोटिपलियाबाट अवैध रुपमा भारतबाट भन्सार छली गरी ल्याएका अन्दाजी मूल्य रु.२ लाख ४६ हजार बराबरको सुटपिस, साडी, कुर्ती लगायतका सामानहरु गएराति नियन्त्रणमा लिएको जनाएको छ ।
उक्त सामान ईलाका प्रहरी कार्यालय हसुलियाबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पूरा गरी नियन्त्रणमा लिएको जनाएको छ ।
