धनगढी । बझाङमा अवैध लागूऔषध चरेशसहित एक जना पक्राउ परेका छन ।
पक्राउ पर्नेमा जिल्लाको जयपृथ्वी नगरपालिका-११ धामीलेख बस्ने ४८ वर्षीय जयराज जोशी रहेको प्रहरीले जनाएको छ ।
जोशीले सञ्चालन गरेको जोशी किराना एण्ड वाइन कर्नर पसलबाट ५० ग्राम ५१ मिलिग्राम लागूऔषध चरेश जस्तो देखिने कालो पदार्थ,तौल गर्ने हाते तराजु एक थान र नगद रु.१२ हजार ४ सयसहित बुधबार दिउँसो प्रहरीले पक्राउ गरेको जनाएको छ ।
जिल्ला प्रहरी कार्यालय बझाङबाट खटिएको प्रहरी टोलीले निजले सञ्चालन गरेको पसलमा खानतलासी गर्दा पसल भित्र लुकाई छिपाई राखेको अवस्थामा उक्त पदार्थ फेला पारी पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको छ ।
