धनगढी । कैलालीमा प्रहरीले अवैध लागूऔषधसहित तीन जनालाई पक्राउ गरेको छ ।
मंगलबार जिल्लाको धनगढी उपमहानगरपालिका-७ जे.पी.चोक स्थितबाट अवैध लागूऔषध खैरो हेरोइन जस्तो देखिने धुलो पदार्थ १२ ग्राम ७ सय १० मिलिग्रामसहित २ जनालाई पक्राउ गरिएको प्रहरीले जनाएको छ ।
पक्राउ पर्नेहरूमा कैलालीको जोशीपुर गाउँपालिका-२ घर भइ धनगढी उपमहानगरपालिका-७ जे.पी.चोक स्थित कोठागरी बस्ने २८ वर्षीय रामलाल डगौरा र धनगढी उपमहानगरपालिका-७ बस्ने २३ वर्षीय अनिल चौधरी रहेका प्रहरीले जनाएको छ ।
त्यसैगरी,धनगढी उपमहानगरपालिका-८ धनगढी गाउँबाट अवैध लागूऔषध ब्राउनसुगर जस्तो देखिने धुलो पदार्थ १०० मिलिग्रामसहित बर्दगोरिया गाउँपालिका-२ घर भई हाल धनगढी उपमहानगरपालिका-८ कोठा गरी बस्ने २० वर्षीया मनिषा चौधरीलाई पक्राउ गरिएको प्रहरीले जनाएको छ ।
