धनगढी । नेपाली कांग्रेसको १५औँ महाधिवेशनका लागि महाधिवेशन प्रतिनिधिमा विजयी सुनिता रानाले आफूलाई विश्वास गरी मतदान गर्ने सम्पूर्ण मतदाताप्रति धन्यवाद ज्ञापन गरेकी छन्।
महाधिवेशन प्रतिनिधिमा निर्वाचित भएपछि रानाले मतदाताको विश्वास र समर्थनलाई आफूले जिम्मेवारीका रूपमा लिएको बताएकी छन्। उनले आगामी दिनमा पार्टीलाई थप सुदृढ, एकताबद्ध र जनमुखी बनाउन आफ्नो भूमिका प्रभावकारी रूपमा निर्वाह गर्ने प्रतिबद्धता व्यक्त गरेकी छन्।
रानाले निर्वाचनमा प्रत्यक्ष तथा अप्रत्यक्ष रूपमा सहयोग गर्ने पार्टीका नेता, कार्यकर्ता, शुभेच्छुक तथा सम्पूर्ण मतदातालाई हार्दिक आभार व्यक्त गरेकी छन्।
उनले आफूलाई प्राप्त मत केवल व्यक्तिगत विजय नभई मतदाताले दिएको जिम्मेवारी र विश्वासको अभिव्यक्ति भएको बताउँदै त्यसलाई इमानदारीपूर्वक पूरा गर्ने प्रतिबद्धता जनाएकी छन्।