धनगढी । कैलालीको गौरीगंगा नगरपालिका-५ अण्डैयास्थित बुढो बेताल सामुदायिक वनबाट तीन थान एकनाले भरुवा बन्दुक बरामद भएका छन् ।
शनिबार इलाका प्रहरी कार्यालय मसुरियाबाट खटिएको प्रहरी टोली र सब-डिभिजन वन कार्यालय बढैपुरबाट गस्तीमा खटिएको वन कर्मचारीको संयुक्त टोलीले बेवारिसे अवस्थामा बन्दुक फेला पारेको हो ।
जिल्ला प्रहरी कार्यालय कैलालीका सूचना अधिकारी प्रहरी नायब उपरीक्षक योगेन्द्र तिमिल्सिनाले बरामद गरिएका बन्दुक आवश्यक कानुनी प्रक्रिया पूरा गरी इलाका प्रहरी कार्यालय मालाखेतीमा राखिएको जानकारी दिए । घटनाबारे थप अनुसन्धान भइरहेको जिल्ला प्रहरी कार्यालय कैलालीले जनाएको छ ।
