धनगढी । वाणिज्य आपूर्ति तथा उपभोक्ता संरक्षण कार्यालय धनगढीले तीन महिनामा दुई सय ८७ वटा व्यावसायिक फर्मको अनुगमन गरेको छ ।
कार्यलयले चालु आव २०८३/८४ को साउन,भदौ र असोजमा महिनामा उक्त फर्मको अनुगमन गरेको हो ।
वाणिज्य आपूर्ति तथा उपभोक्ता संरक्षण कार्यालयका प्रमुख पदमराज अवस्थीका अनुसार ६३ वटा खाद्य तथा किराना,५८ वटा होटल तथा रेष्टुरेन्ट,८ वटा तरकारी तथा फलफूल,१६ वटा डेरी तथा मिठाइ पसल,तीन अन्य र ४ उद्योगको अनुगमन गरिएको हो ।
अनुगमन तथा निरीक्षणको क्रममा २७० वटा फर्मलाई सामान्य कैफियतमा तत्काल सुधारका लागि निर्देशन दिइएको उनले जानकारी दिए ।
त्यस्तै,कैफियत देखिएका ८ वटा फर्मलाई आवश्यक कागजात पेस तथा वयान माग गरिएको उनले जानकारी दिए ।
उनका अनुसार सो अनुगमन तथा निरीक्षणको क्रममा ६० हजार ७ सय ४६ रुपैयाँ बराबरका खान अयोग्य वा म्याद सकिएका वस्तु नष्ट गर्न लगाइएको छ ।
त्यस्तै,कार्यालयले सो अवधिमा विभिन्न फर्म दर्ता,नवीकरण,खारेजी,संशोधनलगायतका शीर्षकमा रु दुई लाख ६४ हजार ६ सय १० राजस्व संकलन गरेको ले जानकारी दिए ।
सो अवधिमा २० वटा प्राइभेट फर्म दर्ता,४२ वटा फर्म नवीकरण,४३ फर्म संशोधन,६ फर्म खारेजी,११ फर्मले प्रतिलिपी लिएका तथा १ फर्म स्थानान्तरण गरिएको उनले जानकारी दिए ।
त्यसैगरी,२ वटा साझेदार फर्म दर्ता,१० फर्म नवीकरण,१ फर्म खारेज गरिएको तथा ४ वटा कम्पनी फर्म दर्ता भएका कार्यालयले जनाएको छ ।
