धनगढी– कैलाली निर्वाचन क्षेत्र नम्बर ५ (ख) का प्रदेशसभा सदस्यका स्वतन्त्र उम्मेदवार क्षितिज भण्डारीले आफू ‘एटीएम कार्ड’ भएको बताएका छन् । आइतबार धनगढीका विभिन्न वडाहरुमा गरिएको प्रचार–प्रसारका गरिएका घरदैलो र टोलसभाका क्रममा बोल्दै उनले आफू जनताका लागि जतिबेला पनि उपलबब्ध हुने बताए ।
‘म एटीएम कार्ड हुँ, तपाईहरुले मलाई जतिबेला पनि प्रयोग गर्न सक्नुहुन्छ । जनताको सेवाका लागि जतिखेल पनि उपलबध हुनसक्छु’ उनले भने, ‘मैले सरकारको कुनैपनि सेवा सुविधा पनि चाहिँदैन भनिसकेको छु । म मात्र यस क्षेत्रको विकासका लागि खटिने छु ।’
उनले आफू धनगढीमै जन्मे हुर्केको मानिस भएकाले जितेर गएमा धनगढीलाई सुविधा सम्पन्न बस्न लागयक शहर बनाउने प्रतिबद्धता जनाए । उम्मेदवार भण्डारीले आइतबार धनगढीको वडा नम्बर १, २ र ३ नम्बर वडाको टोल सभालाई सम्बोधन गरेका थिए ।
