अर्जेन्टिनाले फिफा विश्वकप २०२२ को उपाधि जितेपछि विश्वकप ट्रफी उचाल्नुअघि कतारका शेख अमिरले कप्तान लियोनल मेस्सीलाई पहिर्याइदिएको कालो कपडा अर्थात ‘बिष्ट’को डिमाण्ड बढेर गएको छ ।
ओमानका एक वकिलले उक्त ‘बिष्ट’ १ मिलियन डलरमा खरिद गर्ने अफर दिएपछि बिष्टको डिमाण्ड एक्कासी बढेको हो । ओमानका वकिल अहमद अल बरवानीले हालै लियोनल मेस्सीसँग यस्तो प्रस्ताव राखेका हुन् । साथै ति वकिलले यदि मेस्सी उक्त बिष्ट आफुलाई दिन चाहे १ मिलियन डलर दिन तयार भएको बताएका छन्।
ओमानका वकिल बरवानीले ट्वीट गर्दै सम्पूर्ण विश्वको सामू यस्तो अफर दिएका हुन् । बरवानीले यस्तो प्रस्ताव राखेपछि विश्वभरि यसको चर्चा हुदै डिमाण्ड समेत बढ्दै गएको छ। कतारमा बिष्टको आफ्नै मूल्य र मान्यता छ ।
