काठमाडौं– पूर्व प्रधानमन्त्री तथा कांग्रेस सभापति शेरबहादुर देउवाले बिहीबार मात्रै प्रधानमन्त्री निवास बालुवाटार छाड्ने भएका छन् ।
देउवालाई यसपछि भाडाको घरमा सर्नुपर्ने भएकाले उनलाई सरकारी निवास छोड्न ढिलाई भएको हो ।
यता नव निर्वाचित प्रधानमन्त्री पुष्पकमल दाहाल ‘प्रचण्ड’लाई भने यथाशिघ्र बालुवाटार सर्न हतारो भएको छ । उनलाई बाहिर बस्दा सवारीसाधनको पार्किङदेखि मानिसको भिडभाडले गाह्रो भएको छ । उनी यथाशिध्र प्रधानमन्त्री निवास बालुवाटार सर्ने तयारी गरिरहेका छन् ।
देउवाले भखर्रै मात्र धुम्बाराहीमा नयाँ घर भेटेका छन् । त्यहाँ सर्नका लागि केहि तयारी गर्नु पर्ने भएकाले देउवा अझै दुई दिन भने बालुवाटारमा नै बस्न पर्ने बताएको छ ।
बुढानिलकण्ठस्थित देउवाको घरमा निर्माण कार्य भैरहेकोले अहिले देउवालाई भाडाको घरमा बस्नु परेको काङ्ग्रेस स्रोतले बताएको छ।
