एजेन्सी- चियाको स्वाद कसलाई मन नपर्ला र रु अझ, अदुवा हालेर बनाइएको चिया अधिकांशको रोजाइमा पर्ने गर्छ । त्यसमा पनि अदुवा आफैँमा स्वास्थ्यका दृष्टिकोणले फाइदाजनक छ । जाडो मौसममा त झनै अदुवा चियाले चिसो, रुघाखोकीबाट बचाउने काम पनि गर्दछ । जानौं न त कस्ता कस्ता फाइदाहरु रहेछन् ।
अदुवा हालेर चिया खानु स्वास्थ्यका लागि लाभदायक हुन्छ । अदुवा–चियाले पेट दुख्न कम गर्नुका साथै तनाव पनि कम गराउँछ । यात्रामा जानुभन्दा अघि अदुवा–चिया खाँदा बान्ता हुनबाट बचाउन सक्छ । त्यस्तै, शरीरको अनावश्यक तौल कम गर्न सहयोग पुर्याउँछ ।
अदुवा चियाले क्यान्सरसँग लड्ने क्षमता बढाउँछ । रगतमा हुने ग्लुकोजको स्तर व्यवस्थापन गर्छ । रक्तसञ्चारमा पनि सहयोग पुर्याउँछ । पाचन प्रक्रियामा सुधार ल्याउँछ ।
शरीरमा अत्यावश्यक ग्यास्ट्रिक रसको उत्पादन बढाउँछ । महिनावारी गडबडी हुने महिलामा नियमित बनाउन सहयोग गर्छ । अल्जाइमरजस्ता घातक रोग लाग्नबाट बचाउँछ । हड्डी र बाथरोगका बिरामीका लागि फाइदाजनक मानिन्छ ।
