बैतडी- पाटन नगरपालिका ४ थुममा रहेको सीआरबीटी होटेलमा गएराति आगलागी भएको छ। बेलुकी ९ बजे विद्युत् सट भएर आगलागी भएको हो। आगलागीमा होटेल जलेर पूर्णरूपमा नष्ट भएको बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिए।
आगलागी भएको खबर पाउनेबितिक्कै इलाका प्रहरी कार्यालय पाटनका प्रहरी निरीक्षक कमल चौधरी नेतृत्वको प्रहरी टोली र स्थानीयले आगो नियन्त्रणमा लिएका थिए । प्रकाश भट्टले सञ्चालन गर्दै आएका जस्तापाताले छाएको उक्त होटेल जलेर नष्ट भएको हो। आगलागीबाट ६ लाख बराबरको क्षति भएको अनुमान गरिएको छ।
