काठमाडौं– हिजो मंगलबार अर्थात फेब्रुअरी ७ का दिनदेखि भ्यालेन्टाइन्स वीक प्रारम्भ भएको छ । भ्यालेन्टाइन्स वीकमा अहिले प्रेम–जोडिहरु आफ्नो प्रेम व्यक्त गर्न व्यस्त छन् । मंगलबार रोज डेबाट प्रारम्भ भएको भ्यालेन्टाइन्स वीकको आज दोस्रो दिन अर्थात प्रपोज डेको रुपमा मनाइँदैछ ।
आफूलाई मनपर्ने मानिसलाई घुँडा टेकेर प्रेम प्रस्ताव राख्ने गरिन्छ । यद्यपि, किन घुँडा टेकेरै प्रेमीहरुले आफ्ना प्रेमिकालाई प्रेम प्रस्ताव राख्छन् भन्ने कुरा तपाईँ थाहा छ ?
प्राचिनकालदेखि नै नै घुँडा टेकेर प्रेम प्रस्ताव राखिन्छ । घुँडा टेकेर प्रस्ताव राख्नु नाइटहुडको समय अर्थात मध्यकालदेखि नै चलिआएको एउटा परम्परा हो । उक्त समयमा विवाह र धर्म एक–अर्कासंग अति नै सम्बन्धित हुन्थ्यो ।
यही कारणले गर्दा जसरी सिपाहीले आफ्नो भगवानको अगाडि सम्मान, इमान्दारी देखाउनका लागि घुँडा टेक्थे, ठिक त्यसरी नै पुरुषले महिलालाई घुँडा टेकेर विवाहको प्रस्ताव राख्नु पर्दथ्यो ।
घुँडा टेकेर प्रस्ताव राख्नुको अर्थ
घुँडा टेकेर प्रस्ताव राख्नुको अर्थ प्रार्थना, समर्पण, आदर र सम्मानसंग जोडिएको कुरा हो । यदि कुनै व्यक्ति तपाईँको अगाडि घुँडा टेकेर प्रस्ताव गर्छ भने यसले केवल प्रेममात्र नभएर तपाईँको महत्व पनि दर्शाउँछ ।
संस्कृतिसंगै परिवर्तन हुन्छ प्रस्ताव राख्ने तरिका
पार्टनरलाई प्रस्ताव राख्ने तरिका हरेक ठाउँमा भिन्दा–भिन्दै हुन सक्छ । जस्तै युनाइटेड अरब इमिरेट्स ९युएई० मा महिलालाई प्रस्ताव राख्नु अगाडि पुरुषले आफ्नी आमासंग कुरा गर्नु पर्ने हुन्छ । त्यस्तै, आयरल्याण्डमा प्रस्ताव राख्नका लागि विशेष प्रकारको औँठी लगाइदिने चलन रहेको छ ।
प्रस्ताव गर्दा ध्यान दिनु पर्ने कुरा
सहि शब्दको चयन तथा भावना कसैलाई प्रेम प्रस्ताव राख्दा सबैभन्दा आवश्यक पर्ने कुरा हो । कतिपय मानिसले लाखौँ खर्च गरेर पार्टनरलाई महंगा ठाउँमा लगेर प्रस्ताव गर्छन् भने कोहि आफ्नो कोठामै संगै बिताएका सम्झनाहरुलाई सजाएर आफ्नो मनको कुरा पार्टनरसंग भन्न मन पराउँछन् ।
