काठमाडाैं– वैशाख प्रधानमन्त्री पुष्पकमल दाहाल प्रचण्डले आइतबार एक मन्त्रीलाई नियुक्त गर्दै आठौँ पटक मन्त्रिपरिषद् विस्तारको तयारी गरेका छन् । जसअनुसार कांग्रेस नेता एनपी साउद परराष्ट्र मन्त्री बन्ने भएका छन् । उनको शपथ आइतबार दिउँसोको लागि तय भएको छ । तर, प्रधानमन्त्रीले हालसम्म मन्त्रिपरिषद्लाई पूर्णता दिन सकेका छैनन् ।
पुस १० मा प्रधानमन्त्री भएका प्रचण्डले यसअघि पुस ११, माग ३, माघ २३, फागुन १४, १६ र चैत १७ गते विस्तार गरिसकेका छन् । आज साउद मन्त्री बनेको खण्डमा पनि पाँच वटा मन्त्रालय रिक्त नै रहनेछ । जसमा तीन मन्त्रालयमा कांग्रेसले मन्त्री पठाउनुपर्ने छ भने एउटा जसपाको भागमा छ । यस्तै जनमतका मन्त्रीले राजीनामा दिएको स्थानमा को आउने भन्ने पनि टुंगो लागेको छैन ।
