बैतडी – सुदूरपश्चिम प्रदेशमा आज २२ जनामा कोरोना संक्रमण देखिएको छ। गत २४ घण्टामा ४२४ जनाको परीक्षण गर्दा २२ जनामा संक्रमण पुष्टि भएको सुदूरपश्चिम प्रदेश स्वास्थ्य निर्देशनालयले जनाएको छ।
चारजनाको पीसीआर र १८ जनाको एन्टीजेन विधिमार्फत गरिएको परीक्षणमा कोरोना देखिएको निर्देशनालयका कोभिड–१९ सम्पर्क व्यक्ति हेमराज जोशीले बताए। संक्रमण पुष्टि हुने अधिकांश भारतबाट फर्किएका रहेका छन्। यसअघि हिजो ११ जनाको संक्रमण देखिएको थियो।
भारतसँग सीमा जोडिएका जिल्लाका सबै नाकामा हेल्थ डेस्क स्थापना गरेर कोरोना परीक्षणपछि मात्रै भित्रिन दिइएको छ।
संक्रमणको जोखिम बढ्दै गएकाले जनस्वास्थ्यका मापदण्ड पालना गर्न निर्देशनालयले आग्रह गरेको छ।
