धनगढी- कैलालीमा लागुऔषधसहित प्रहरीले तीन जनालाई पक्राउ गरेको छ। जिल्लाको गोदावरी नगरपालिका–४ गोदावरीबाट धनगढी बस्ने २० वर्षीय आशिष भण्डारीलाई पक्राउ गरिएको प्रहरीले जनाएको छ ।
भण्डारीले चलाएको सुपप्र ०१००९ प ४९ नम्बरको मोटरसाइकल चेकजाँच गर्दा पछाडी सवार २३ वर्षीय राजेन्द्र बोहराको साथबाट २६० मिलीग्राम लागुऔषध खैरोहिरोईन बरामद गरिएको छ। दुबै जनालाई अस्थाई प्रहरी पोष्ट गोदावरीले नियन्त्रणमा लिएको हो ।
यस्तै धनगढी उपमहानगरपालिका ३ त्रिनगर ब्यारेलबाट गोदावरी नगरपालिका २ बस्ने १९ वर्षीय योगेन्द्र बहादुर देउवालाई पक्राउ गरिएको छ। उनको साथबाट २ ग्राम ७६०मिलि ग्राम खैरोहिरोईन बरामद गरिएको छ। निजलाई जिल्ला प्रहरी कार्यालयले नियन्त्रणमा राखेर अनुसन्धान गरिरहेको छ।
