कञ्चनपुर- कञ्चनपुरको एक गोठमा आगलागी भएको छ। जिल्लाको पुनर्वास नगरपालिका–११ राम जानकी टोलका अमर चौधरीको दुई तले गोठमा आगलागी भएको प्रहरीले जनाएको छ।
चौधरीको घर नजिकै रहेको काठ र टायलले छाएको गोठमा शनिवार बिहान आगलागी हुँदा एक लाख रुपैयाँ बराबरको धनमाल नष्ट भएको हो।
आगलागीबाट गोठमा रहेको पराल, भुसा र काठ जल्दा एक लाख रुपैयाँको नोक्सानी भएको प्रहरीले जनाएको छ । स्थानीय र प्रहरीले पुनर्वास नगरपालिकाको दमकलको सहयोगमा आगो नियन्त्रणमा लिएको र सो सम्बन्धमा प्रहरीले थप अनुसन्धान गरिरहेको बताएको छ।
