धनगढी- कैलालीको धनगढीबाट लागुऔषधसहित दुई युवक पक्राउ परेका छन्। सुदूरपश्चिम प्रदेश प्रहरीको आरआइटी टोलीले मंगलबार लागुऔषधसहित दुबै जनालाई पक्राउ गरेको हो।
धनगढी उपमहानगरपालिका–४ बोराडाडीको भित्री सडकखण्डबाट दुबै जनालाई लागुऔषधसहित पक्राउ गरिएको प्रहरीले जनाएको छ। जोशीपुर गाउँपालिका–७ का २२ वर्षीय विनय कुवँर र सोही पालिकाको वडा नम्बर–२ का २२ वर्षीय दिनेश रावत लागुऔषधसहित पक्राउ परेका हुन्।
एक ग्राम १६० मिलिग्राम लागुऔषधसहित पक्राउ परेका दुबै जनालाई अहिले जिल्ला प्रहरी कार्यालय कैलालीको हिरासतमा राखेर थप अनुसन्धान भइरहेको प्रहरीले जनाएको छ।
