कैलाली- कैलालीको बर्दगोरियामा जिल्ला स्तरीय फुटबल प्रतियोगिता हुने भएको छ । आज बैनियामा आयोजक बर्दगोरिया स्पोर्टस एन्ड इभेन्टले पत्रकार सम्मेलनको आयोजना गर्दै प्रतियोगिताको बारेमा जानकारी गराइएको हो । प्रतियोगिता आगामी मङ्सिर ८ गते देखी १५ गते सम्म हुने छ ।
विजेताले २ लाख नगद, ट्रफि,र प्रमाण पत्र पाउने छन् । त्यसै गरि उप९विजेतालाई १ लाख ५ हजार नगद, ट्रफि,र प्रमाण पत्र दिने जनाइएको छ । सर्वोत्कृष्ट खेलाडीलाई २० हजार,उत्कृष्ट गोलक रक्षक,उत्कृष्ट गोलकर्ता,उत्कृष्ट डिफेन्डर र उदयमान खेलाडीको लागि १५ हजार नगद, ट्रफि,र प्रमाण पत्र दिने बताइएको छ ।
कैलाली जिल्लाका १३ स्थानीय तहबाट करिब ३९ टिम सहभागी हुने अध्यक्ष प्रमोद मल्लले जानकारी दिए । एउटा पालिकाबाट ३ टिम सहभागी हुने गरि तयारी भइरहेको उनले जानकारी दिए । प्रतियोगिताको उद्घाटन सुदूरपश्चिम प्रदेशका मुख्यमन्त्री कमल बहादुर शाहले गर्नेछन् ।
