धनगढी- डोटीको जोरायल गाउँपालिका–५ खतेडाका २० वर्षीय युवक तिलक देउवा मुटुसम्बन्धी रोगले पीडित बनेका छन् । १० वर्षदेख मुटुसम्बन्धि समस्या भएका तिलकको आर्थिक अभावका कारण उपचारमा समस्या भएको हो ।
‘काठमाडौंस्थित शहिद गंगालाल राष्ट्रिय हृदय केन्द्रमा जचाउँदा मुटुको भल्वमा प्वाल छ भनेको छ’ तिलकका बुवा योगेन्द्रबहादुर देउवाले भने ‘मनमोहन कार्डियोथोरासिक भास्कुलर तथा ट्रान्सप्लान्ट सेन्टर काठमाण्डौँ अप्रेशसन गर्नुपर्ने हो तर आर्थिक अभावका कारण उपचारमा जान सकेको छैन्’ ।
उपचारमा काठमाण्डौँ जानु पर्ने हो पैसा नभर एक हप्तादेखि धनगढीमै बसेको छु योगेन्द्रले भने । आफ्नो आर्थिक अवस्था कमजोर रहेकाले उपचारमा समस्या परेको उनी बताएका छन् ।
उपचारका लागि ४ लाखभन्दा बढी लाग्ने भएको र आफ्नो त्यति पैसा खर्च गरेर उपचार गर्ने क्षमता नभएका कारण उपचारका लागि जान नसकेको उनको भनाइ छ । आर्थिक अवस्था कमजोर भएकाका कारण उनले सबैमा सहयोगको अपील गरेका छन् । मनकारी ब्यक्तिहरुबाट सहयोगको अपेक्षा गरेको उनको भनाइ छ ।
आर्थिक अवस्था कमजोर भएकाले नै आफूले सहयोगको अपील गरेको उनले बताए । तिलकको उपचारका लागि सहयोग गर्न इच्छुक व्यक्तिहरुले योगेन्द्र बहादुर देउवाको कृषि विकास बैंक धनगढी शाखामा रहेको बैंक खाता नं. ०८२२५०१३५७६४९०१४ मा पठाउन वा मोबाइल नम्बर ९८४१७१५३३१ मा सम्पर्क गर्न सकिनेछ ।
