काठमाण्डौ- नेकपा एकीकृत समाजवादीका नेता तथा पूर्व संस्कृति, पर्यटन तथा नागरिक उड्डयनमन्त्री प्रेमबहादुर आलेले एमबीबीएस (डाक्टर) पढ्नका लागि डोटीका एक जना विद्यार्थीलाई आर्थिक सहयोग गर्नु भएको छ ।
उनले डोटीको केआइसिंह गाउँपालिका-४ कारीगाउँका १७ वर्षीय शिवि विकलाई एक लाख रुपैयाँ आर्थिक सहयोग गरेको केआइसिंह गाउँपालिका-५ का वडाध्यक्ष दुर्गासिंह रावलले जानकारी दिए ।
एमबीबीएस पढ्न नाम निकालेका शिविको आर्थिक अवस्था कमजोर रहेको छ । आलेको सहयोगले शिविको पढाइमा सहायता पुग्ने रावलले बताए ।
