नरेन्द्र रावल/अछाम- अछामको मंगलसेन नगरपालिका स्थित वृहत् खेलमैदानमा सम्पन्न १४ औ राष्ट्रपति रनिङ्ग सिल्ड प्रतियोगिताको उपाधि हात पार्दै साँफेबगर नगरपालिका प्रथम भएको छ । साँफेबगर नगरपालिकाले ५ स्वर्ण ७ रजत र ४ कांस्य गरी १६ अङ्क प्राप्त गरेको छ ।
प्रतियोगितामा दोस्रो पञ्चदेवल विनायक नगरपालिकाले ५ स्वर्ण २ रजत र ७ कांस्य गरी १४ अङ्क प्राप्त गरेको छ । तेस्रो स्थान हासिल गरेको मेल्लेख गाउँपालिकाले ४ स्वर्ण २ रजत र १ कांस्य गरी ७ अङ्क प्राप्त गरेको छ । चौथो भएको चौरपाटी गाउँपालिकाले ४ स्वर्ण २ रजत गरी ६ अङ्क प्राप्त गरेको छ ।
मंगलसेन नगरपालिकाले ३ स्वर्ण ३ रजत र ७ कांस्य गरी १३ अङ्क प्राप्त गरेको छ । कमलबजार नगरपालिकाले २ स्वर्ण २ रजत र ४ कांस्य गरी ८ अङ्क प्राप्त गरेको छ । रामारोशन गाउँपालिकाले १ स्वर्ण ६ रजत र २ कांस्य ९ अङ्क, बान्निगढी जयगढ गाउँपालिकाले १ स्वर्ण २ रजत गरी ३ अङ्क, तुर्माखाद गाउँपालिकाले १ स्वर्ण २ रजत र २ कांस्य गरी ५ अङ्क, यसै गरी जिल्लाको ढकारी गाउँपालिका भने स्वर्ण विहीन भएको छ । उसले २ कांस्य प्राप्त गरेको छ ।
१४ औ जिल्ला राष्ट्रपति रनिङ्ख सिल्ड यहि माघ ६ गतेबाट सुरु भएको थियो । समापन कार्यक्रममा बोल्दै प्रमुख अतिथि एवं मंगलसेन नगरपालिकाका प्रमुख पदम बहादुर बोहराले खेल शान्तिपूर्ण ढङ्गबाट समापन्न भएकोले खुसी व्यक्त गदै खेलाडीहरूलाई प्रदेश र राष्ट्रिय स्तरको खेलमा उत्कृष्ट प्रदर्शन गरी अछामको पहिचान दिन आग्रह गरे ।
प्रतियोगितामा अछाम स्थित १० वटै स्थानीय तहका खेलाडीहरूको उत्साहजनक सहभागिता रहेको थियो । प्रतियोगिताको समापन जिल्ला खेलकुद विकास समितिका अध्यक्ष एवं कार्यक्रमका अध्यक्ष केशर बहादुर खड्काले गरेका थिए ।
