नेपाल सरकारले यतिखेर सुशासनका लागि एकपछि अर्को सकारात्मक कामहरु गरिरहेको छ । सरकारबाट जनता र राष्ट्रको हितकाका साथै सुशासनका क्षेत्रमा भइरहेका कामका बारेमा सुदूरपश्चिम प्रदेशका उद्योग,पर्यटन,वन तथा वातावरण मन्त्री रमेशसिंह धामीको विचार निशाना न्युजले प्रस्तुत गरेको छ ।
मित्र राष्ट्रहरुको सहयोग समेतमा स्थापना भएका बाँसबारी छाला जुत्ता, हेटौडा कपडा, भृकुटी कागज, बिराटनगर जुट मिललगायतका दर्जनौं सरकारी उद्योग मासिएको देश हो हाम्रो । यी मासिदा व्यक्ति पोसिएकै छन् । सरकारी जग्गा गायब छन । व्यक्तिका नाममा गएका छन् ।
देशमा आन्तरिक उत्पादनको कमी र रोजगारीको अभावमा निराशा चुलिएको छ । जटिल परिस्थितिमा गठबन्धनको नेतृत्व गरेको प्रचण्ड सरकारले सुशासन कायम गर्दै राष्ट्रहित प्रवर्द्धन गर्न विभिन्न जोखिमपूर्ण पहल लिइरहेको विदितै छ । सराकरले गर्न लागेको सबै किसिमको अनुसन्धानलाई सबै तहका व्यक्तिले साथ सहयोग दिनु पर्छ । चाहे उच्च पदस्थ होस् या उच्च वर्ग या निम्न वर्ग ।
बाँसबारी छाला जुत्ता कारखानाको जग्गा प्रकरणमा छानविनका लागि सरकारले व्यापारी अरुण चौधरी लगायतलाई छानविनमा ल्याउनु राम्रो कार्य हो । सामाचार अनुसार उता छिमेकी देश भारतमा झारखण्डका मुख्यमन्त्री हेमन्त सुरेन सरकारी जग्गा व्यक्तिको नाममा पास गराउन सहयोग पु¥याएको आरोपमा पक्राउ परेका छन् । छानविन सबैको हुन्छ । सबैतिर हुन्छ ।
