बैतडी- बैतडीको पाटनमा प्रथम नगर स्तरीय उदयदेव प्रिमियर लिग क्रिकेट प्रतियोगिता चैत २६ गते देखी हुने भएको छ । आयोजक पाटन भ्याली क्रिकेट क्लबले शनिवार उदयदेव मन्दिर परिषदमा पत्रकार सम्मेलनको आयोजना गर्दै पुरस्कार राशि र खेल आयोजना मिति सार्वजनिक गरेको हो ।
टेनिस बलले खेलाइने प्रतियोगिताको प्रथम पुरस्कार नगद ३० हजार, द्धित्तिय पुरस्कार नगद २० हजार ट्रफी र प्रमाणपत्र प्रदान गरिने आयोजक क्लबका अध्यक्ष विकास विष्टले बताए ।
खेलमा क्यान अफ दि सिरिज नगद पाँच हजार, वेष्ट ब्याट्सम्यान नगद तीन हजार, वेष्ट बलर नगद तीन हजार र इमर्जिङ प्लेयर नगद एक हजार पाँच सय पुरस्कार प्राप्त गर्नेछ । पाटन नगरपालिका भित्रका खेलाडीलाई मात्र सहभागी गराइने प्रतियोगितामा दर्ता शुल्क तीन हजार पाँच सय तोकिएको क्लबका सचिव सन्तोष जोशीले बताए ।
प्रतियोगीताका लागस् चार लाख ५० हजार लागत अनुमान गरेको छ । विभिन्न समाजसेवी तथा खेल प्रेमी व्यक्तिहरूबाट एक लाख रकम संकलन भएको भइसकेको आयोजकले जनाएको छ । आर्थिक सहयोगका लागि पाटन नगरपालिका लगायतका सरकारी तथा सामाजिक संघसंस्थालाई आग्रह गरिएको जनाएको छ ।
प्रतियोगिताको उद्देश्य उदयदेव मन्दिर पाटन लगायतका पर्यटकीय क्षेत्रको प्रचार प्रसार गर्नु पर्ने रहेको अध्यक्ष विकास विष्टले बताए । क्लबले तीन दिन होली खेल्ने कार्यक्रम पनि राखेको छ होलीबाट संकलन भएको रकम पनि क्रिकेटमै लगानी गरिने जनाएको छ ।
यही चैत्र २२ गतेसम्म टिम दर्ताको समय राखिएको छ । पत्रकार सम्मेलनमा जिल्ला खेलकुद समितिका अध्यक्ष चमनकिशोर भण्डारी लगायतका प्रशिक्षक खेलाडीहरूको उपस्थिति रहेको थियो ।
