धनगढी- धनगढी उपमहानगरपालिका वडा नम्बर ५ शिवनगरस्थीत चैतन्य पतञ्जलि योग केन्द्रको प्रथम वार्षिक उत्सव सम्पन्न भएको छ। चैतन्य पाठशाला भित्र नियमित रूपले योग अभ्यास सञ्चालन गर्दै आएको योग केन्द्रको प्रथम वार्षिक उत्सव सम्पन्न भएको हो।
गत वर्षदेखि हुँदै आएको चैतन्य पतञ्जलि योग केन्द्र, समुदाय र अभिभावकहरूको लागि आरोग्य जीवन यापन गर्न योगाभ्यास अत्यन्त महत्त्वपूर्ण भूमिका निर्वाह गरिरहेको प्रधानाध्यापक कटकबहादुर सिंहले जानकारी दिए।
हाम्रा ऋषि मुनिद्वारा हजारौँ वर्षको साधना बाट स्थापित गरेका जीवनशैली र जीवन र जगतको रहस्य सँग जोडिएका मानवीय चेतनाको उच्चतम स्तर नै योग भएकोले योग आजको समयमा अति आवश्यक रहेको बताए।
धनगढीमा चैतन्य पाठशाला एक मात्र नियमित योग केन्द्र सञ्चालन गरिरहेको विद्यालयले यसलाई नगरभित्र उत्कृष्ट व्यवस्थापन गर्दै समुदायलाई जोड्दै लगिने बताइएको छ । चैतन्य पाठशाला योग केन्द्रमा ७ जना तालिम प्राप्त प्रशिक्षकहरूलाई सम्मान गरेका छन् ।
