अछाम-सुदूरपश्चिमको महत्त्वपूर्ण मेला लाग्ने धार्मिक पर्यटकीय क्षेत्र मंगलसेन नगरपालिका-१० जुपुस्थित कालिका देवी भगवतीकाे मन्दिरमा आज बिहानैदेखि दर्शालु भक्तजनको ठूलाे घुइँचाे लागेको छ ।
चैते दसैं अर्थात चैत्रा अष्टमिमाका दिन परम्परागत रुपमा कालिका देवी भगवतीकाे मन्दिरमा दर्शालु भक्तजनहरुले पूजा आजा गरे मनाेकांक्षा पूरा हुने जनविश्वास रहेकाे छ ।
साे मन्दिरमा हजारौं बाेका र चार दर्जनभन्दा बढी राँगाकाे बली चढाईने गरेकाे मन्दिरका मुख्य पूजारी गणेशबहादुर रावलले बताए ।
चैते दशैंमा मंगलसेनलगायत जिल्लाका १० वटै स्थानीय तह र छिमेकी जिल्ला कालिकाेट, बाजुरा लगायतका श्रद्धालु भक्तजन मेला हेर्न आउने गरेकाे र सँगै देश विदेशमा रहेका यस क्षेत्रका बासिन्दा चैते दशैं हेर्न घर फर्किने गरेको मंगलसेन नगरपालिका-१० जुपुका वडा अध्यक्ष जनकबहादुर कुँवरले बताए ।
ऐतिहासिक जुपु खाैलाकाे यसपाली मंगलसेन नगरपालिका र यहाँको वडाको सहयोगमा सयौं बर्षपछि खाैलाे विस्तार तथा स्तराेन्नति गरिएकाे खाैलाे तथा सडक निर्माण समितिका अध्यक्ष नरेन्द्र रावलले बताए । आज दिनभर पूजाआजा गरि बाेकाकाे बलिसँगै बेलुका राँगाकाे बली चढाएपछि रातभर मेला लाग्ने गर्दछ । बिगतका बर्षझैँ यस बर्ष बैशाख ५ गते पनि कालिकोट जिल्लाका चर्चित देउडिया नेत्रराज शाही र बझाङ जिल्लाकी चर्चित देउडिया केशरी बाेहरा बीच देउडा घम्साघम्सी हुने आयाेजक समितिले बताएको छ ।
