पिसाब थैलीमा जम्मा भएको पिसाब बाहिर ननिक्लनुलाई पिसाब बन्द भएको भनिन्छ । पिसाब थैलीको पत्थरी, मूत्रद्वार साँघुरो हुनाले, बढी उमेरका पुरुषमा पौरुष ग्रन्थी बढ्नाले, स्त्रीमा गर्भिणी अवस्था आदिमा पिसाब बन्द हुन्छ ।
घरेलु उपचार
१. मूलाको बीउ एक ग्राम पिसेर एक माना पानीमा घोली खुवाउने ।
२. मुसाको लिँड पिसेर त्यसमा कलमी सोडा मिलाई थोरै पानीमा पिसी नाइटोभन्दा तल्तिर (मूत्र थैलीको बाहिरपट्टि) लेप गर्ने ।
३. कागती बराबर दुई टुक्रा गरी बियाँ फाल्ने । त्यसमा अलिकति कलमी सोडा राखी दुवैलाई जोडे कोइलाको आँचमा तताई नाइटोको वरिपरि र तल्लो पेटमा दल्ने ।
४. अमलाको रस १० ग्राम समभाग मह मिलाएर खाने ।
५. कमलको जरा १० ग्राम पिसी त्यसमा एक लाल जवाखार (यवक्षार) हाली पानीमा घोलेर पिउने ।
साभारः ‘योगतन्त्र’ पुस्तकबाट
